حكيم تيليم خان ديواني و منيم دوغوم گونوم / اسدالله اميري
گؤلن آی ۲, ۱۳۸۷
اولو تانري¬نين آدي ايله
۱. گئچه ن ايل(۱۳۸۶)، اورديبئهيشت آيينين اوچونده، دوستومون وانئتي ايله حكيم تيليم خانين چاپ اولموش بيرينجي ديوانيني آلماغا قوم`ا گئتديك. ايشلريميزي گؤره ندن سونرا كيتابلاري آليب و بو بويوك سئوينجيمي سايين بايات به يله پايلاشماق ايسته ديم. بونون اوچون بايات بَه يله قرارلاشيب و قاپيلاري اؤنونده گؤروشدوك. سايين بايات ايلك دويغوسونو بئله آچيقلادي: “بير وانئت تيليم خان”.
۲. منيم سيجيليمده دوغوم گونوم اورديبئهيشتين اوچودور. آمما ننه م دئيير كي: ” سن پايوزيي اورتا آيوننا اولموشه ي”. آمما بير ايلدير اينانميشام كي سيجيليمده يازيلان تاريخ دوغوم گونوم اولماليدير.
۳. بيلديرلري كيتابلاري قوم¬دان آليب يولا دوشوب تئهران`ا يئتيشه نده ياديما دوشدو كي : بوگون منيم سيجيليمده دوغوم گونومدور و بو ايكي قونو كاميلن ايتتيفاق اوزره بيربير اوستونه دوشدولر. گرچكدن ده تيليم خان ديواني چاپ اولماقلا منيم كيمليييمين بير قيسمتي ديريلدي و منه بير باشقا ديريليك دويغوسو وئريلدي.
۴. بو بير ايلده حكيم تيليم خان اوچون دوردونجو قورولتاي باشدا اولماقلا بير چوخ ايشلر گورولوب كي بير نئچه سي بونلاردير: “حكيم تيليم خان، مراسيملر و مقاله لر” (كيتاب،چاپا حاضيرلانيب)،”حكيم تيليم خان ديواني، ايكينجي جيلد” (چاپا حاضيرلانير) و … . ايشاللاه بو ايل تير آيينين ۲۶ سيندادا حكيمين بئشينجي قورولتايي گئچيريلمه سينه قرارليييق. هابئله بو بير ايلده موختليف نشرييه‌لرده حكيم تيليم خانين آدي گئديب و مقاله لر يازيليب و ياييليب او جومله دن: قاپانميش “ديلماج”، زنگانلي “بايرام” و … . بو زمينه ده بيله لريندن چوخ يارارلانديغيم سايين “سئييد حئيدر بايات “دان دا خاص تشككوريمي بيلديرمكله، دئييرم:
- اييي كي دوغدون حكيم تيليم خان ديواني!
- اييي كي وارسان سئييد حئيدر بايات!
- اييي كي وارسان آلما يولو!
