شان ائیله یه ن آری دوشوب اورتادان
شان ائیله یه ن آری دوشوب اورتادان
ذوباب ماکولاتین بال ائیله ییبدیر
بو دمین مجهولو بولوبدور شرف
چوخو مودام ماهین سال ائیله ییبدیر
عجب بو عصیرده تاپیلیبدیر حال
چوغول حرامزاده دورو و دغل
حيمار پالانینی تیکدیریب مخمل
بئدوو زین پوشونو شال ائیله ییبدیر
مجهول بیر ايیامین سولئیمانیدیر
نقل-و نابات قارقالارین دانیدیر
سیغیرچینلر بو عصرین خوشخوانیدیر
بولبوللر دیلینی لال ائیله ییبدیر
بنی اوميیه ده تاپیلیب بو حال
روشوه اینن اولوب تامام وئر-و آل
نره شیرلر اولوبدولار پایمال
تولکولر جمع اولوب گال ائیله ییبدیر
هر مجلیسده بد اصیل یئری بوشدور
اصیللیلر هزار بلایه توشدور
تئلیم دونیا مردلر اوچون ناخوشدور
دؤوره قرعه سالیب فال ائیله ییبدیر
