اوزان وئبلاگيندان
*****
تئليم خان: ترسا
شئيخ-ى صنعان كيمين ترسا سئوميشه م
دوغــرو يوللاريمی کج ائيله ميـشه م
بولبول دردی٬ دوشمان جهری٬ ائل قهری
اؤزوم اؤز گؤيلومه گوج ائيله میــشه م
*****
ساراليبان ساری گول تک سارىیام
چارخی دؤنموش فلك قويماز ياریيام
قيزيل گول خرمنين تحويلدارييام
دؤيوب و ساووروب دج ائيله میـشه م
*****
زهه ر اولوب ائيله ديييم٬ ائتديييم
کاساد اولوب بازارلاردا ساتديغيم
الدن اوچوب تور آتديغيم٬ توتدوغوم
باشيمدا عقليمی نئج ائيله ميشه م
*****
قارلی داغلار غارق اولوبدو دوماندان
بير کيمسه م يوخ تيکان چيخارا جاندان
قونشولاريم کؤچدو بويان اوياندان
آراليــق ائويمی اوج ائله میــشه م
*****
اله نـديم قلبيردن کئچديم الکدن
غرق اولموشام شط ايچينده کلکدن
خبر آلان اولسا چارخ-ی فلکدن
دئيه ر من تئليم´نن لج ائيله میـشه م
*****